Die seisoen van 2020 / 2021 is dalk vir ‘n ses geslaan, maar die entoesiasme van Suiderbergskool se krieketspelers is nog nie uitgeboul nie.

Tydens die 2019 seisoen is verskeie besondere prestasies behaal deur ons o/14, o/16 en Eerste span. Al die spanne het deurgedring na die Willie Kluyts finale uitspele, en die Eerste span het uitgetree as die Northens Titans LSEN E-liga wenners.

In die 2018 seisoen het twee van ons leerders deel uitgemaak van die SA – LSEN span: Luhan Gouws is aangewys as kolwer van die week en Morné Ludeke as speler van die week.

Van ons Eerste span spelers het ook deelgeneem aan die Hoofstroom skole liga. Die leerders is Morné Ludeke, Luhan Gouws, Willie Rossouw, Julien Keogh, Jerry Mphi, Nick Sekgobela en Wynand Nortjé.

Stof solank julle kolwe af vir die 2022 seisoen, ons verwag groot dinge.